×

Warning

JUser: :_load: Unable to load user with ID: 81428


Articles

Tuesday, 30 July 2019

"မတူညီတဲ့ ဘာသာစကားနှစ်ခုကို တစ်ပြိုင်နက်ထဲ လေ့လာတဲ့အခါ လိုအပ်တဲ့ အချက် (၅) ချက်"

"မတူညီတဲ့ ဘာသာစကားနှစ်ခုကို တစ်ပြိုင်နက်ထဲ လေ့လာတဲ့အခါ လိုအပ်တဲ့ အချက် (၅) ချက်" google.com

ဘာသာစကားတွေကို လေ့လာသင်ယူတာဟာ တကယ်ကို ကောင်းတဲ့အလေ့အကျင့်တစ်ခုပါ။

တစ်ခါတစ်လေ ကိုယ်က ဂျပန်ဘာသာစကားကို လေ့လာနေတယ် အလုပ်မှာ အင်္ဂလိပ်စကား ပိုကျွမ်းကျင်ဖို့ လိုအပ်လာတဲ့အခါ ဘာသာစကားနှစ်ခုလုံးကို တစ်ပြိုင်တည်း လေ့လာရမယ့် အဖြစ်ကို ရောက်လာပါတယ်။ ဒါပေမယ့်လည်း မတူညီတဲ့ ဘာသာစကားတွေကို တစ်ပြိုင်နက်လေ့လာရရင် ရူးများရူးသွားမလား ၊ ဖြစ်မှဖြစ်နိုင်ပါမလား ဆိုပြီး လူတိုင်းတွေးမိနိုင်ပါတယ်။

တကယ်တော့ ဘာသာစကားနှစ်ခု တစ်ပြိုင်တည်းလေ့လာလို့ လုံးဝမဖြစ်နိုင်တာမျိုးတော့ မဟုတ်ဘဲ လေ့လာမယ်ဆိုရင် လေ့လာလို့တော့ ရပါတယ်။

အဲဒီလိုဖြစ်နိုင်တယ်လို့ ပြောလိုက်ရင် မလေ့လာရတိုင်း ဖြစ်နိုင်တယ်လို့ လျှောက်ပြောနေတယ်ဆိုပြီး အတွန့်တက်စရာ ရှိနိုင်ပါတယ်။ ဖြစ်နိုင်တယ်လို့ ပြောရတာကလည်း လေ့လာပုံ လေ့လာနည်းလေးတွေရှိလို့ ရတယ်လို့ ပြောရတာဖြစ်ပါတယ်။ တစ်ခုပြီးမှ တစ်ခု လေ့လာဖို့အဆင်မပြေလို့ တစ်ပြိုင်နက်ထဲ လေ့လာရမယ်ဆိုရင်တော့ အခုပြောပြပေးမယ့် နည်းလမ်းတွေကိုသာ သုံးပြီး လေ့လာကြည့်လိုက်ပါ။

 

(၁) လုံးဝကွဲတဲ့ ဘာသာစကား နှစ်မျိုးကို ရွေးချယ်ပြီး လေ့လာပါ
လေ့လာမယ့် ဘာသာစကားအပေါ် စိတ်အားထက်သန်မှုပြင်းပြင်းပြပြရှိနေတာဟာ ဘာသာစကားကို လေ့လာတဲ့အခါမှာ အောင်မြင်စေဖို့ သော့ချက်တစ်ခုပါ။

ဘာသာစကားနှစ်ခုလေ့လာတဲ့အခါ ဆင်တူတာကို လေ့လာရင် ပိုလွယ်ကူမယ်လို့ လူတော်တော်များများထင်ကြပါတယ်။

စာရေးသူလည်း အဲလိုထင်ခဲ့ဖူးပါတယ်။ အမှန်တော့ တူညီသလိုလိုရှိတာနှစ်ခုကို တစ်ပြိုင်တည်း လေ့လာမိရင် ရောသွားနိုင်ပြီး ဒီထက်ပိုဆိုးရင် အခြေခံပါ မရတော့တာ ဖြစ်သွားနိုင်ပါတယ်။

French ၊Spanish ၊ Portuguese နဲ့ Italian ဘာသာစကားတွေဟာ Romance Languages တွေ ဖြစ်ကြပြီး Grammar နဲ့ Vocabulary တွေဟာ တူညီသလိုလို ရှိကြပါတယ်။ ဒါကြောင့်မို့ ဘာသာစကားနှစ်ခု တပြိုင်နက်တည်း လေ့လာမယ်ဆို အဲဒီလို တူညီသလိုလို ရှိတာမျိုးကို ရှောင်ရှားပြီး လေ့လာပါ။

 

(၂) ဘာသာစကားနှစ်ခုလုံးကို တစ်ရက်ထဲ လေ့လာပါ
နေ့စဉ်နေ့တိုင်း ဘာသာစကားနှစ်ခုလုံးကို မပျက်မကွက်လေ့လာရင် လေ့လာနေတဲ့ အရှိန်ကို ထိန်းထားနိုင်မှာပါ။

အဲဒီလိုမဟုတ်ဘဲ ဘာသာစကားတစ်ခုကို ပထမတစ်ပတ် လေ့လာပြီး နောက်ဘာသာစကားတစ်ခုကို ဒုတိယပတ်မှာ လေ့လာရင် သေချာတာကတော့ နောက်ဘာသာစကားကိုလေ့လာပြီးတဲ့အခါ ပထမလေ့လာနေတဲ့ ဘာသာစကားကို မမှတ်မိတော့တာမျိုး ဖြစ်နိုင်ပါတယ်။ နှစ်ခုလုံးကို နေ့စဉ်မပြတ်လေ့လာနေမှ နှစ်ခုလုံးကို မေ့သွားတာမျိုး မဖြစ်မှာပါ။

လေ့လာတဲ့အခါမျိုးမှာလည်း အချိန်အကြာကြီး တစ်ထုိုင်တည်း လေ့လာတာမျိုးထက် အချိန်တိုလေးလောက်ပဲ လေ့လာတာက ပိုထိရောက်ပါတယ်။

အဲဒီလိုလေ့လာရင်တော့ တတ်ဖို့ ကြာတယ်လို့ စိတ်ထဲမှာခံစားရကောင်း ခံစားရပေမယ့် စိတ်ထဲမှာတော့ သေသေချာချာ မှတ်မိနေပြီး တော်ရုံတန်ရုံဆို မမေ့ဘဲ ကျွမ်းကျွမ်းကျင်ကျင်တတ်သွားပါလိမ့်မယ်။
ဘာသာစကားနှစ်ခု လေ့လာရင် အချိန်ကို ဘယ်လိုပိုင်းခြားလေ့ ရှိကြလဲ။

နှစ်ခုကို ညီတူညီမျှ တစ်ဝက်စီ ပိုင်ခြားပြီး လေ့လာတာမျိုးမဟုတ်ဘဲ ကိုယ်စိတ်တိုင်းကျ အားသာသလို ပိုင်းခြားလို့လည်း ရပါတယ်။လေ့လာတဲ့ နှစ်ခုထဲက တစ်ခုက လေ့လာရ ပိုခက်တယ်လို့ ခံစားရရင် ခက်တဲ့တစ်ခုကို လွယ်တဲ့ဟာထက် အချိန်ပိုပေးပြီး လေ့လာပါ။

တတ်မြောက်မှုက အချိန်ကြာကြာပေးပြီး လေ့လာတာနဲ့ တိုက်ရိုက်မသက်ဆိုင်တာမို့ နေ့စဉ်နေ့တိုင်း အချိန်တိုလေးပေးပြီး လေ့လာနိုင်အောင် ကြိုးစားတာက အချိန်နည်းနည်းပိုကြာပေမယ့် တကယ်တတ်မြောက်လာစေမှာပါ။

 

(၃) Multi-tasking လုပ်တာကို ရှောင်ရှားပါ
နှစ်ခု၊ သုံးခုတစ်ပြိုင်နက်ထဲ လုပ်တာဟာ ဘယ်အလုပ်မှာမဆို ထုတ်လုပ်နိုင်စွမ်းအားကို လျော့ကျစေပါတယ်။

ဒီအချက်ဟာ ဘာသာစကားနှစ်ခု လေ့လာတဲ့နေရာမှာလည်း တော်တော်လေးကို မှန်ပါတယ်။ ဆိုလိုချင်တာကတော့ ဘာသာစကားနှစ်ခုကို တစ်ပြိုင်တည်း တစ်ချိန်တည်းမှာ မလုပ်ပါနဲ့လို့ ဆိုလိုချင်တာပါ။

ဥပမာအနေနဲ့ဆို ပြင်သစ်စာလုံးရေးကျင့်နေတဲ့အချိန်မှာ တရုတ်အော်ပရာကြည့်ပြီး တရုတ်စာ လေ့လာတာမျိုး မလုပ်ပါနဲ့လို့ ပြောချင်တာမျိုးပါ။ နှစ်ခုကို တစ်ချိန်တည်းမှာ လုပ်လိုက်ရင် နှစ်ခုလုံးပြီးသွားတဲ့အချိန်မှာ ဘာမှ မသိတော့တာမျိုး ဖြစ်သွားတတ်လို့ပါ။ "ကမ္ဘာတလွှား လူသုံးအများဆုံး ဘာသာစကား ၉ မျိုး"

 

(၄) တစ်ခုချင်းစီကို လေ့လာဖို့ အချိန် ကွဲကွဲပြားပြားထားရှိပေးပါ
ဘာသာစကားနှစ်ခုမရောဘဲ တတ်မြောက်စေဖို့အတွက် ဘာသာစကားတစ်ခုချင်းစီကို လေ့လာချိန် ကွဲကွဲပြားပြားလေး ထားရှိပေးပါ။

ဆိုလိုတာကတော့ ဂျပန်စာကို မနက်မှာ လေ့လာရင် အင်္ဂလိပ်ဘာသာစကားကို ညပိုင်းမှာ လေ့လာပေးပါ။ ဘာသာစကားတစ်ခု လေ့လာခဲ့တဲ့နေရာမှာ နောက်ဘာသာစကားကို ဆက်မလေ့လာဘဲ နေရာပြောင်းပြီး လေ့လာပါ။ ဂျပန်စာလေ့လာတုန်းက သုံးခဲ့တဲ့ မှင်အရောင်ကို အင်္ဂလိပ်စာ လေ့လာတဲ့အခါမှာ ပြန်မသုံးဘဲ အရောင်ပြောင်းပြီး သုံးပေးပါ။ အဲဒါဆို နှစ်ခုရောတာမျိုး သိပ်မဖြစ်တော့ပါဘူး။

 

(၅) မလောပါနဲ့
ဘာသာစကားနှစ်ခုကို တစ်ပြိုင်နက်တည်း လေ့လာတာဟာ ဘာသာစကားတစ်ခုတည်း လေ့လာရတာထက် ပိုခက်ခဲမယ်ဆိုတာ လူတိုင်းသိမှာပါနော်။

ဒါပေမယ့် လူတွေဟာ တတ်ချင်ဇောအားကြီးပြီး အလောတကြီး လေ့လာလိုက်တဲ့အခါ ဖိအားတွေ ဖြစ်လာပြီး လေ့လာချင်ဇောတွေ ကုန်သွားတာမျိုး ဖြစ်တတ်ပါတယ်။ ဒါကြောင့်မို့ ငါက အခက်အခဲဆုံးအရာကို ကျော်ဖြတ်နိုင်အောင် လုပ်နေတာမို့ လောစရာမလိုဘူး။

တိုးတက်မှုနှုန်းနှေးကွေးလည်း စိတ်ဓာတ်ကျစရာမလိုဘူး အဆုံးသတ်မှာ တတ်မြောက်သွားဖို့သာ အရေးကြီးတယ်လို့ တွေးလိုက်ပြီး လေ့လာရင် အောင်မြင်မှာ သေချာပါတယ်။

နှစ်ခုလေ့လာတာက တစ်ခုထဲလေ့လာတာထက် ပိုခက်တာမို့ တတ်မြောက်ဖို့ အချိန်ပိုကြာတာကို စိတ်ထဲသိပ်မထားပါနဲ့။

ဒါပေမယ့် ဘာသာစကားအပေါ် ချည်းကပ်ပုံနဲ့ လေ့လာပုံ လေ့လာနည်းတွေ မှန်ကန်ရင်တော့ အောင်မြင်မှုပန်းတိုင်ဆိုတာ သေချာပေါက် ရရှိနိုင်မှာပါနော်။ လေ့လာချင်စိတ်ခိုင်မာတာ၊ ပုံမှန်လေးလေ့လာနိုင်တာ၊ စိတ်အားထက်သန်မှု ပြင်းပြတာ သေချာရင် ဘာသာစကားနှစ်ခုလုံးကို အောင်အောင်မြင်မြင်နဲ့ လေ့လာနိုင်မှာပါနော်။ "သင့်ရဲ့ passion ကို professional ဖြစ်အောင် ဘယ်လိုပြောင်းမလဲ"

ပရိသတ်ကြီးထဲမှာရော ဘာသာစကားနှစ်ခုလုံးကို တစ်ပြိုင်နက်ထဲ လေ့လာဖူးကြလား။ လေ့လာဖူးခဲ့ရင် လေ့လာတုန်းက တွေ့ခဲ့ရတဲ့ အခက်အခဲလေးတွေနဲ့ ဘယ်လိုနည်းလမ်းတွေသုံးပြီး လေ့လာကာ ကျော်ဖြတ်ခဲ့လဲဆိုတာကို တခြားသူတွေလည်းသိပြီး ကျင့်သုံးနိုင်အာင်လို့ ပြန်လည်မျှဝေပေးသွားပါဦးနော်။ 

 

 

Credit : Akhayar

Sayar.com.mm

Read times
Rate this articles
(0 votes)