လူတိုင်းဟာ ကိုယ့်ထက် အမြင့်ကို မော်ကြည့်တတ်ကြပြီး “ငါလည်းသူဝတ်သလို အ၀တ်အစားကောင်းကောင်းလေးတွေ ၀တ်ချင်လိုက်တာ၊ ငါလည်း သူ့ လို တော်ချင်၊ တတ်ချင်လိုက်တာ၊ ငါလည်း သူ့ လို လစာမျိူးလိုချင်လိုက်တာ” စသည်အားဖြင့် ကိုယ့်ထက် သာနေတဲ့လူတွေကို ကြည့်ပြီး အားကျတတ်ကြပါတယ်။
ကျွနိုပ်အပါအ၀င် လူတိုင်းလူတိုင်းဟာ ဒီလိုမျိူးလေး တစ်ခါလောက်တော့ ခံစားဖူးတတ်ကြတယ်ဆိုတာကိုတော့ ငြင်းလို့ မရပါဘူး။
ဒါပေမယ့်လည်း ကိုယ်အားကျနေရတဲ့သူတွေ ဒီလိုမျိူး အားကျခံလူတန်းစားမျိူး မဖြစ်လာခင် ဘယ်လိုမျိူး ကြိုးစားရုန်းကန် လှုပ်ရှားခဲ့ရတယ် ဆိုတာကိုတော့ မေ့နေတတ်ကြသလို မြင်အောင်လည်း မကြည့်ကြပါဘူး။
ဒီလိုမျိူး အားကျခံလူတန်းစားတွေကို ထိုင်ပြီး အားကျနေမယ့်အစား အခုလက်ရှိ သင့်မှာ ရှိတာလေးနဲ့ သင်လုပ်နိုင်တာလေးတွေကို သင့်ဘ၀တိုးတက်ဖို့ အတွက် စတင် လုပ်ဆောင် ကြည့်လိုက်မယ် ဆိုရင်တော့ သင်လည်း အားကျခံလူတန်းစားတစ်ယောက် ဖြစ်လာမှာ အသေအချာပါပဲ။
ဒီလို အားကျခံလူတန်းစား ဖြစ်ဖို့ သင့်ရဲ့ ယခုလက်ရှိအချိန်ကနေစပြီးတော့ မနက်ဖြန်တိုင်းအတွက် အာရုံစိုက်ပါ။ သင်ဒီနေ့ ဘာတွေ တွေးတယ်၊ ဘာတွေ ပြောလိုက်တယ်၊ ဘာတွေ လုပ်ဆောင်လိုက်တယ်ဆိုတာတွေက သင့်ရဲ့ မနက်ဖြန်မှာ သင်ဟာ ဘယ်လို အလုပ်လုပ်တယ်၊ ဘယ်လို ပြုမူတယ်၊ ဘယ်လိုလူစားမျိူးဖြစ်တယ် ဆိုတာတွေကို ဖော်ပြနေပါတယ်။
ဒါကြောင့်မို့ လို့ သင်ဟာ တစ်နေ့ မှာ အောင်မြင်တဲ့ စီးပွားရေး လုပ်ငန်းရှင်တစ်ယောက် ဖြစ်ချင်တယ်ဆိုရင် ဒီနေ့ ကစပြီးတော့ သင့် လုပ်ငန်း ခွင်မှာ သေချာ အာရုံစိုက်ပြီး သင့်ရဲ့ ပတ်ဝန်းကျင် (၀ါ) အသိမိတ်ဆွေတွေ တိုးပွားအောင် ဆောင်ရွက်တာမျိူး၊ ၀င်ငွေ၊ ထွက်ငွေကို သေချာစီမံခန့် ခွဲတာမျိူးတွေကို စတင်လုပ်ဆောင်ကြည့်လိုက်ပါ။
ဒီနေ့ တိုင်း ဒီနေ့ တိုင်းကို အာရုံစိုက်ရင် မနက်ဖြန်တိုင်း မနက်ဖြန်တိုင်းဟာ အကောင်းဆုံးတွေနဲ့ ပြည့်နေမှာပါ။ ဖြစ်ချင်တာတွေကို ဖြစ်အောင် လုပ်ဖို့ လက်ရှိအချိန်ကသာလျှင် အကောင်းဆုံး၊ တန်ဖိုးအရှိဆုံးပါ။
လက်ရှိအချိန်ကို အာရုံစိုက်နိုင်ပြီဆိုရင်တော့ ပထမခြေလှမ်းကို အစပျိူးဖို့ မကြောက်ပါနဲ့တော့။ ဘယ်လောက် ခက်ခဲတဲ့ အလုပ်ပဲ ဖြစ်ပါစေ ….. အစပျိူးနိုင်ပြီဆိုရင် နောက်ပိုင်းမှာ လွယ်ကူသွားပါလိမ့်မယ်။
ဒါကြောင့်မို့ လို့ အစပျိူးနိုင်ဖို့ ကိုသာ ကြိုးစားပြီး သင်စတင်လုပ်ဆောင်လိုက်တဲ့ ပထမဆုံးခြေလှမ်းကို အဆင်ပြေချောမွေ့ (၀ါ) အောင်မြင် အောင် အာရုံစိုက်ပါ။ နောက်ပိုင်းကိစ္စရပ်မှန်သမျှ ရေသောက်ရသလို လွယ်ကူ သွားပါလိမ့်မယ်။
ဖြစ်လာသမျှ ကိစ္စတိုင်းကို လွယ်လွယ်ကူကူ ဖြေရှင်းနိုင်ပေမယ့်လည်း ဖြစ်ချင်တာတွေကို မျက်ကွယ်ပြုပြီး ဖြစ်သင့်တာတွေကိုပဲ ဦးစားပေး လုပ်ကိုင် နေရတဲ့ အခြေအနေမျိူးတွေလည်း ရှိနိုင်ပါတယ်။
ဒီလိုမျိူး တွေ့ ကြုံနေရပြီဆိုရင်တော့ လူတိုင်းမှာ မျှော်လင့်ချက် အိပ်မက်ကိုယ်စီ ရှိကြသလို လုပ်ချင်တာနဲ့ လုပ်နေရတာတွေ ထပ်တူမကျတာ မျိူးတွေ ရှိတယ်ဆိုတာကို အရင်နားလည်အောင် ကြိုးစားပါ။
ဥပမာ - သင့်အိပ်မက်က အင်္ကျီ ဒီဇိုင်းလှလှလေးတွေ ဖန်တီးတဲ့ Fashion Designer ကြီးတစ်ယောက် ဖြစ်ချင်ပေမယ့် အခုလက်ရှိမှာ ငွေရေးကြေးရေး အခက်အခဲကြောင့်သော်လည်းကောင်း၊ ပညာဝမ်းစာ မပြည့်သေး၍ သော်လည်းကောင်း အင်္ကျီလေးတွေကို လက်ချုပ် လိုက်ပေးနေရတဲ့ အကူအဆင့်လောက်သာ ရှိနေတာမျိူး ဖြစ်နေနိုင်ပါတယ်။
အခုလက်ရှိမှာ သင်က ဘယ်လိုနေရာမျိူးမှာပဲ ရောက်နေနေ တစ်နေ့ နေ့ မှာ သင်ရောက်ချင်တဲ့ နေရာကို ရောက်ရှိဖို့ အတွက် အခုလက်ရှိ ရောက်နေတဲ့ နေရာ၊ လုပ်ငန်းခွင်ကို သင့်အိပ်မက် လုပ်ငန်းခွင်လေးလိုမျိူး သဘောထားပြီး သင့်ရဲ့ အကောင်းဆုံး အရည်အချင်းတွေကို ထုတ်ဖော်ပြသရင်း……
“ငါလုပ်နိုင်တယ်။”
“ငါ့အိပ်မက်တွေ တစ်နေ့ မှာ အကောင်အထည်ပေါ်လာရမယ်။”
“ငါက အကောင်းမြင်တတ်တယ်။”
“ငါက တာဝန်ယူစိတ်၊ တာဝန်ခံစိတ် ရှိတယ်။” စသည်အားဖြင့် ကောင်းတဲ့ အတွေးလေးတွေ၊ ကောင်းတဲ့ စကားလေးတွေကို သင့်ကိုယ်သင် ပြောပေးရင်း သင့်ကိုယ်သင် အကောင်းဘက်က ပြဌာန်းပါ။ သင့်ကို တိုးတက်စေနိုင်တဲ့ အရာတွေကို အဆက်မပြတ် လေ့လာသင်ယူပြီး သင့်ကို တိုးတက်အောင် စိတ်ဓါတ်ခွန်အားပေးနိုင်တဲ့ လူတွေ သင့်ပတ်ဝန်းကျင်မှာ ၀န်းရံနေပါစေ။
ကိုယ် ကိုယ်တိုင်ကလည်း သူများတွေကို စိတ်ဓါတ်ခွန်အားပေးနိုင်သူ တစ်ယောက်ဖြစ်အောင် အရင် ကြိုးစားပါ။ သူများတွေ သင့်အပေါ်ရှိနေတဲ့ မကောင်းတဲ့အမြင်တွေကြောင့် သင့်ရဲ့ စိတ်ဓါတ်ခွန်အားတွေ မဆုံးရှုံးပါစေနဲ့။
ဒါကြောင့် စိတ်ဓါတ်ခွန်အားကောင်းတွေကို ကြိုးစားတည်ဆောက်ပြီး နေ့ ရက်တိုင်းမှာ သင့်ရဲ့ အကောင်းဆုံးအရည်အချင်းတွေကို ထုတ်ဖော်ပြသခြင်းအားဖြင့် သင်လည်းတစ်နေ့ ”ငါလည်း……သူ့ လို……” ဆိုတဲ့ အားကျခံလူတန်းစား တစ်ယောက် ဖြစ်လာနိုင်ပါတယ်။
Credit: Future English Language Centre
