ဒီနေ့ခေတ်ရဲ့ အထင်ရှားဆုံး လက္ခဏာတစ်ခုကို ပြောပါဆိုရင် ကျွန်တော်ကတော့ Change (အပြောင်းအလဲ) လို့ ပြောမယ်။ နည်းပညာက တအားတိုးတက်လာတဲ့အချိန်မှာ အရာအားလုံးဟာ ခပ်သွက်သွက် ပြောင်းလဲနေတယ်။
နယ်ပယ်တိုင်းမှာ တိုးတက်မှုတွေ ဖြစ်လာတယ်။ ခုခေတ်မှာ ကြည့်လိုက်ပါ၊ အားလုံးဟာ လွယ်ကူနေတယ်။ ကုန်ကုန်ပြောရရင် တက္ကစီတားရတဲ့ ဒုက္ခတောင် မရှိတော့ဘူး။ ကျွန်တော်တို့ မိဘတွေခေတ်က အထွေထွေ အကြပ်အတည်းခေတ်၊ အလုံပိတ်ခေတ်။ ကျွန်တော်တို့လို Generation Y တွေခေတ်ကျ နည်းနည်းပွင့်လင်းလာတဲ့ ခေတ်။ ခု ဆယ်ကျော်သက်တွေ ဖြတ်သန်းနေရတဲ့ခေတ်ကတော့ တိုးတက်တယ်၊ ပွင့်လင်းတယ်၊ မြန်ဆန်တယ်၊ အတားအဆီးနည်းလာတယ်၊ အခွင့်အလမ်းတွေ ပေါလာတယ်၊ အဲ့ဒီလိုခေတ်။
ရုတ်တရက်ကြည့်လိုက်ရင်တော့ ပျော်စရာကြီးပဲ။ သို့သော် လူတွေဟာ မပျော်ကြဘူး။ အထူးသဖြင့် ဆယ်ကျော်သက်တွေကြားထဲမှာ စိတ်ဖိစီးမှုတွေ၊ စိတ်ဓါတ်ကျတာတွေ ဖြစ်လာတယ်။ ဘာဖြစ်လို့လဲ။ ကောင်းတာတွေရှိလာတဲ့ တစ်ပြိုင်တည်းမှာ တစ်ဖက်မှာလည်း ဆုတ်ယုတ်သွားတာတွေ အများအပြားရှိနေလို့ပါပဲ။
၁။ အခွင့်အလမ်းများလာခြင်း နှင့် ယှဉ်ပြိုင်မှု လွန်ကဲလာခြင်း (Opportunity Vs Competition)
အရင်ခေတ်က အဆိုတော်ဖြစ်ဖို့ မလွယ်ဘူး။ မလွယ်တဲ့အတွက် တစ်ဖက်မှာလည်း ယှဉ်ပြိုင်စရာလူက နည်းတယ်။ စာရေးဆရာဖြစ်ဖို့ မလွယ်ဘူး။ အဲဒီအတွက် အောင်မြင်မှုရပြီးရင် ရေရှည်ခံတယ်။ လူတွေက တသသနဲ့ ဖြစ်နေကြတယ်။ ရုပ်ရှင်သရုပ်ဆောင် ဖြစ်ဖို့ မလွယ်ဘူး။ ဖြစ်သွားပြီးရင်လည်း နှစ်တွေအများကြီး အောင်မြင်နေနိုင်တယ်။
ဒီခေတ်ကျတော့ မတူတော့ဘူး။ ဖြစ်ဖို့သိပ်လွယ်တယ်။ ရေရှည်အောင်မြင်ဖို့ရာ ခက်တယ်။ အင်တာနက်ကို အခြေခံပြီး စာရေးဆရာဖြစ်လာသူတွေ၊ အဆိုတော်ဖြစ်လာသူတွေ၊ ရုပ်ရှင်မှာ အောင်မြင်လာသူတွေ အများကြီးပဲ ရှိတယ်။ အရင်လို အသိုင်းအဝိုင်းရှိမှ၊ အဆက်အသွယ်ရှိမှ မဟုတ်တော့ဘူး။ ဒါပေမယ့် အချိန်အကြာကြီး အောင်မြင်ဖို့တော့ခက်တယ်။ Globalization သဘော ပိုမိုပီပြင်တာနဲ့အမျှ ကိုယ့်တစ်နိုင်ငံတည်းလည်း ကွက်ပြိုင်နေလို့ မရတော့ဘူး ဖြစ်လာတယ်။ ဒါကြောင့် အောင်မြင်ဖို့အတွက် လိုအပ်ချက်တွေ များလာတယ်။ အရင်က အဆိုတော်ဖြစ်ဖို့နဲ့ ခုခေတ်အဆိုတော်ဖြစ်ဖို့မှာ ခုခေတ်က လိုအပ်ချက် ပိုများတယ်။ တောင်းဆိုမှု ပိုများတယ်။ ဒီတော့ ပိုကြိုးစားလာရတယ်။ တစ်ဖက်မှာလည်း ဘဝက ဟန်ချက်မညီတာမျိုးတွေ ဖြစ်လာတယ်။ ပျော်ရွှင်မှုတွေ ပျောက်ဆုံးလာတယ်။
၂။ အဆက်အသွယ်ရလာခြင်း နှင့် အထီးကျန်ဆန်ခြင်း (Interconnectivity Vs Social isolation)
လူမှုကွန်ရက်တွေ ပေါ်လာတော့ နှစ်တွေအများကြီး ကွဲကွာနေတဲ့ ဆွေမျိုးတွေ၊ သူငယ်ချင်းမိတ်ဆွေတွေ၊ ဆရာတပည့်တွေ ပြန်ဆုံရတယ်။ လူငယ်တွေကျတော့လည်း ဒီကတစ်ဆင့် တစ်ယောက်နဲ့တစ်ယောက် သိကျွမ်းကြ၊ အဆက်အသွယ်တွေရကြတယ်။ ဒါပေမယ့် တကယ်တမ်းတွေးကြည့်ရင် လူမှုကွန်ရက်ပေါ်က ပတ်သက်မှုဆိုတာ အင်မတန်မှကို အပေါ်ယံဆန်တယ်။ လူတွေက မလှဘဲလည်း လှတယ် ပြောကြတယ်။ တကယ်ဝမ်းမသာဘဲနဲ့လည်း Congratulations လို့ ဝင်ပြောနေကြတယ်။ အပြင်မှာ တစ်စက်မှ ကြည့်မရပေမယ့် လူမှုကွန်ရက်မှာတော့ သိပ်ချစ်ကြသယောင်တွေ တင်နေကြတယ်။
ဆိုတော့ တစ်ယောက်နဲ့ တစ်ယောက် အဆက်အသွယ်ရလာတာ မှန်ပေမယ့် အဲဒီ လူမှုကွန်ရက်ပေါ်က များပြားလှတဲ့ သူငယ်ချင်းအရေအတွက်ဟာ ကိုယ်တကယ် အရေးအကြောင်း ကြုံတော့ အကူအညီတောင်းလို့ရတဲ့သူတွေ ဟုတ်မနေကြဘူး။ ကိုယ်ယုံယုံကြည်ကြည်နဲ့ ရင်ဖွင့်လို့ရတဲ့သူတွေ မဟုတ်ဘူး။ ကိုယ့်ကို အမုန်းခံပြီး ပြောဆိုပဲ့ပြင်ပေးမယ့်သူတွေလည်း မဟုတ်ကြဘူး။ ဒီအခါ လူတွေနဲ့ ဆက်သွယ်ပြောဆိုနေရင်းနဲ့ကိုပဲ ကျွန်တော်တို့တွေဟာ အထီးကျန်နေကြရတယ်။ အချိုပေါ် သကာလောင်းထားတဲ့ Sugar-coated စကားလုံးတွေ၊ အပေါ်ယံဆက်ဆံမှုတွေနဲ့ပဲ ဘဝကို ဖြတ်သန်းနေကြရတယ်။ ဒါကလည်း ဒီဘက်ခေတ်ရဲ့ သရုပ်သကန်တစ်ခုပဲ။
၃။ တိုးတက်မှု နှင့် မလုံခြုံမှု (Advancement Vs Insecurity)
နည်းပညာတွေ တိုးတက်လာတယ်။ တစ်ဖက်မှာလည်း ဒီနည်းပညာတွေကြောင့် ဘဝက မလုံမခြုံ ဖြစ်ရတယ်။ လူမှုကွန်ရက်အကောင့်တွေ ဟက်ခ်ခံရတယ်။ ကိုယ်ရေးကိုယ်တာ အချက်အလက်တွေ ပေါက်ကြားတယ်။ အဲဒီကနေ ခြိမ်းခြောက်ခံရတယ်။ အရှက်တကွဲ အကျိုးနည်းဖြစ်ရတယ်။ အဲ့လိုတွေ ဖြစ်မှာစိုးလို့ ဒီနည်းပညာတွေ မသုံးဘူး လုပ်နေလို့လည်း မရဘူး။ ခေတ်နောက်မှာ ကျန်နေခဲ့ရလိမ့်မယ်။ ဒီတော့ လုပ်ရမှာက ဒီနည်းပညာတွေကို ဘယ်လောက်ထိ ကျွမ်းကျွမ်းကျင်ကျင်နဲ့ လုံခြုံမှုရှိရှိ သုံးတတ်သလဲ ဆိုတာပဲ။ ဒါကြောင့်လည်း ဒီဘက်ခေတ်မှာ Digital literacy ဆိုတဲ့ စကားလုံးကို သိပ်ပြောလာကြတာပဲ ဖြစ်ပါတယ်။
Recommended for you - ကျူရှင်ယူဖို့ အခက်အခဲဖြစ်နေတဲ့ ၁၀ တန်းဖြေမယ့် ကျောင်းသားများအတွက်
၎။ ရလဒ်ကို ဦးစားပေးလွန်းခြင်း နှင့် တန်ဖိုးထားမှုများ ပျောက်ဆုံးလာခြင်း (Result Vs Value)
ဒီနေ့ခေတ်ကို ရလဒ်အခြေပြုခေတ် (Result-oriented age) လို့ ခေါ်ကြတယ်။ အကြောင်းကတော့ လူတွေဟာ ရလဒ်ကိုပဲ ကြည့်တော့လို့ဖြစ်တယ်။ တကယ်က ရလဒ်တစ်ခုခုထွက်အောင် အလုပ်လုပ်တတ်တယ်ဆိုတာ သိပ်ကောင်းပါတယ်။ အထူးသဖြင့် ကျွန်တော်တို့နိုင်ငံမှာဆို သိပ်လိုအပ်တဲ့ Mindset မျိုးပေါ့။ ဘာလုပ်လုပ် အဖြစ်သဘောလောက် လုပ်ကြ၊ လုပ်တာပဲလေ ရမှမရတာလို့ ခပ်ပေါ့ပေါ့ပြောကြတာက များနေတယ်လေ။ ဒါကြောင့်မို့ ဘာပဲလုပ်လုပ် အလုပ်ဖြစ်အောင် လုပ်မယ်၊ အဖြစ်မလုပ်ဘူး၊ အထက်ကလူ စိတ်ကျေနပ်ရုံ မလုပ်ဘူး ဆိုတဲ့ အတွေးမျိုးကတော့ ရှိကိုရှိရမယ်။
ဒါပေမယ့် တစ်ဖက်မှာကျတော့လည်း ဒီရလဒ်ဆိုတာကြီးကို သိပ်ဦးစားပေးလာကြတယ်။ ဘောလုံးအသင်းတွေမှာဆို နမူနာကြည့်လို့ ရတယ်။ ဘယ်နှနှစ် ကစားခဲ့သူဖြစ်ဖြစ်၊ သစ္စာဘယ်လောက်ရှိရှိ၊ အရင်က ဘယ်လောက်အကျိုးပြုခဲ့ပြုခဲ့၊ ခုလက်ရှိမှာ စွမ်းဆောင်ရည်မကောင်းတော့ရင် ဘယ်သူကမှ ထောက်ညှာမနေတော့ဘူး။ မနှစ်က ဖလားယူပေးထားတဲ့ နည်းပြတွေ ဒီနှစ်အထုတ်ခံရတယ်။ အရင်လို ၃-၄နှစ်အချိန်ပေး စောင့်ကြည့်တယ်၊ တည်ဆောက်ခွင့်ပေးတယ် ဆိုတာတွေက ရှားလာပြီ။ မင်း ဘယ်လောက်အောင်မြင်ခဲ့လဲ ဘယ်သူမှ မကြည့်တော့ဘူး၊ မင်းအခု ဘာတွေလုပ်ပေးနေသလဲ၊ လုပ်ပေးနိုင်သလဲပဲ ကြည့်တော့တယ်။ သစ္စာတရားတွေ၊ ထောက်ညှာတာတွေ မရှိတော့ဘူး။ အပြန်အလှန် အကျိုးပြုခြင်း (Mutual benefit) ဆိုတာမျိုးပဲ ရှိတော့တယ်။ ကိုယ့်ကို အသုံးမဝင်တော့ဘူး ထင်တဲ့နေ့မှာ ကန်ထုတ်ဖို့လည်း ဝန်မလေးတော့ဘူး။ ဒီအခါ လူက ရပ်နေလို့မရတော့ဘူး။ အချိန်တိုင်း ပြေးနေရတယ်။ ရလဒ်ထွက်အောင် ကြိုးစားနေရတယ်။
အကျိုးဆက်အနေနဲ့ လူတွေရဲ့စိတ်ထဲမှာ ရလဒ်သာ ထွက်ပါစေ၊ ဘယ်နည်းနဲ့ထွက်ထွက်၊ ဒီလိုမျိုး ယူဆလာကြတယ်။ ဘယ်နည်းနဲ့ချမ်းသာချမ်းသာ ချမ်းသာဖို့ပဲ လိုတယ်၊ ဘယ်နည်းနဲ့နိုင်နိုင် အနိုင်ရဖို့ပဲလိုတယ်၊ ဘယ်လိုပုံစံနဲ့ နာမည်ကြီးကြီး နာမည်ကြီးသွားဖို့ပဲ လိုတယ် ဆိုတာမျိုး ဖြစ်လာကြတယ်။ ဘယ်သူသေသေ ငတေမာရင် ပြီးရော စိတ်တွေ၊ နာမည်ကြီးဖို့အတွက် ဘာမဆိုလုပ်မယ် ဆိုတဲ့ အတွေးတွေ ထွန်းကားလာတယ်။ ကိုယ့်ဘဝမှာ ဘာကိုတန်ဖိုးထားသလဲ ဆိုတဲ့ တကယ့်အတွင်းထဲက အနှစ်သာရတွေ ပျောက်ဆုံးလာပြီး ငွေကြေးနဲ့ ထင်ပေါ်ကျော်ကြားမှုတွေနောက်ကိုပဲ ကောက်ကောက်ပါအောင် လိုက်မိနေကြတယ်။
၅။ ရွေးချယ်မှုများလာခြင်း နှင့် ဝေခွဲရခက်လာခြင်း (Standard Vs Paradox of choices)
စာရေးဆရာ ရော့ဖ်ဒိုဘယ်လီက ပြောဖူးတယ်၊ လူတစ်ယောက်ရဲ့ အဆင့်အတန်း မြင့်မမြင့်ကို သိချင်ရင် သူ့မှာ ဘယ်လောက်ရွေးချယ်ခွင့် ရှိသလဲဆိုတာနဲ့ တိုင်းတာလို့ရတယ်တဲ့။ ဥပမာ ကျွန်တော့်မှာ ငွေ ၃ သိန်းပဲရှိတယ် ဆိုပါစို့၊ ဒါဆို ကျွန်တော် ဖုန်းတစ်လုံးဝယ်ရင် ဘယ်ဖုန်းတွေ ကျွန်တော်ရွေးလို့ရမလဲ။ ဒါမှမဟုတ် ကျွန်တော့်မှာ သိန်း ၂၀ ရှိတယ်ဆိုရင်ရော ဘယ်ဖုန်းတွေ ရွေးလို့ရမလဲ။ သဘောက ကျွန်တော့်မှာ ငွေများများရှိရင် ရွေးစရာများမယ်။ ဒါဆို ကျွန်တော်ဟာ ငွေရေးကြေးရေးအားဖြင့် အဆင့်အတန်းမြင့်တယ်ပေါ့။
အရင်ခေတ်နဲ့ ခုခေတ်ကိုလည်း ယှဉ်ကြည့်လိုက်လို့ရတယ်။ ဘယ်ခေတ်က ရွေးစရာပိုများလဲ။ ဖုန်းနဲ့ပဲ နမူနာဆက်ပေးမယ်။ အရင်တုန်းက ဖုန်းအော်ပရေတာဆို တစ်မျိုးပဲရှိတယ်။ ကြိုက်လည်း ဒါပဲသုံး၊ မကြိုက်လည်း ဒါပဲသုံး။ ခုခေတ်ကျ ရွေးစရာတွေ များလာတယ်။ ကိုယ်အဆင်ပြေတာ သုံးသွားရုံပဲ။ သီချင်းတွေ၊ ရုပ်ရှင်တွေ၊ စာအုပ်တွေ၊ ကျောင်းတွေ၊ တက္ကသိုလ်တွေ၊ စားသောက်ဆိုင်တွေ၊ လည်စရာပတ်စရာတွေ အများကြီးမှ အများကြီးပဲ ရွေးစရာရှိနေတာ။ ဒါကြောင့် ဒီခေတ်ကို ပိုပြီးအဆင့်အတန်းမြင့်တဲ့ ခေတ်လို့ ပြောလို့ရတယ်။
တစ်ဖက်ကလည်း ရွေးစရာတွေ သိပ်များလွန်းနေတော့ ဘာရွေးလို့ရွေးရမှန်းမသိဘူး။ လိုချင်စိတ်တွေက များ၊ တွေဝေတာတွေက များ။ ခုပဲ ဖုန်းတစ်လုံးဝယ်ပြန်ပြီ။ နောက်နေ့ကျ အသစ်တစ်မျိုး ထပ်ထွက်ပြန်ပြီ။ ဒီလိုအခြေအနေကလည်း ရုတ်တရက်ဆို အဆင်ပြေတယ်ထင်ရပေမယ့် စိတ်ပိုင်းဆိုင်ရာ ပြဿနာတွေကို ဖြစ်စေတယ်။
ဒီတော့ ခြုံပြီးပြောရရင် ဒီနေ့ခေတ်မှာ ရုပ်ဝတ္ထုပိုင်းအရ တိုးတက်လာတာတွေ အများကြီးပဲဆိုပေမယ့် စိတ်ပိုင်းဆိုင်ရာမှာ ဆုတ်ယုတ်လာတာတွေ၊ ပြဿနာဖြစ်နေတာတွေလည်း ရှိသင့်သလောက် ရှိနေပြန်တယ်။ မကြာခဏ ကြားသိနေရတဲ့ ကိုယ့်ကိုယ်ကိုယ်သတ်သေတာတွေ၊ စိတ်ဒဏ်ရာတစ်ပွေ့တစ်ပိုက်နဲ့ လူ့အသိုင်းအဝိုင်းကြားထဲ အံမဝင်ရာကနေ အကြမ်းဖက်သမား ဖြစ်လာတာတွေက ဒီလိုဆုတ်ယုတ်မှုတွေ ရှိနေကြောင်း သက်သေတွေပဲ ဖြစ်တယ်။ လူတွေဟာ ပျော်မလိုနဲ့ မပျော်ကြဘူး။ တန်ဖိုးထားမှုတွေ၊ ဘဝရဲ့ အနှစ်သာရတွေ ပျောက်ဆုံးလာတယ်။ အပေါ်ယံဆက်ဆံမှုတွေပဲ ရှိနေပြီး စစ်မှန်တဲ့ ဆက်ဆံရေးတွေ ပျက်စီးလာတယ်။ ဒါကြောင့်မို့ ကျွန်တော်တို့ဟာ ခေတ်သစ်ရဲ့ အကောင်းတရားတွေ၊ တိုးတက်မှုတွေကို ခံစားနေတဲ့ တစ်ပြိုင်တည်းမှာ အဆိုးတရားတွေ၊ ဆုတ်ယုတ်မှုတွေကိုလည်း ရင်ဆိုင်ကျော်ဖြတ်နိုင်အောင် ပြင်ဆင်ထားကြရမှာ ဖြစ်ပါတယ်။
Recommended for you - မိုက်ခရိုဆော့ ပိုင်ရှင်ဘီလ်ဂိတ် ပေးသော အကြံဥာဏ်(၁၁)ခု
Recommended for you - ၁၀ တန်းကျောင်းသား/သူများအားလုံး ကျောင်းခေါ်ချိန် ၇၅ % ပြည့်ရမည်ဖြစ်ပြီး ကျောင်းစာမေးပွဲတိုင်း ၀င်ဖြေရန်
Credit; ဒေါက်တာ ဖြိုးသီဟ
