လူတစ်ဦးတစ်ယောက်ရဲ့စိတ်နေသဘောထားက ပညာတတ်ခြင်း မတတ်ခြင်းနဲ့ တိုက်ရိုက်မသက်ဆိုင်ရင်တောင်သွယ်ဝိုက်သောနည်းနဲ့သက်ဆိုင်နေတတ်ပါတယ်။ဟုတ်ပါတယ်အထူးသဖြင့်မြန်မာနိုင်ငံမှာ ဖြစ်ပျက်နေတဲ့ အကြောင်းတွေ ပြောကြည့်ကြရအောင်ပါ။
"ပညာက အရာရာကို ဆင်ခြင်သုံးသပ်နိုင်တဲ့ သဘောရှိတယ်" လို့ရှေးလူကြီးတွေက ဆိုထားပါတယ်။ လုပ်သင့်တယ် မလုပ်သင့်ဘူးလို့ ဆုံးဖြတ်တဲ့နေရာမှာ ပညာတတ်တဲ့သူတွေရဲ့ အတွေးအခေါ် ဆုံးဖြတ်ချက် တွေက ပိုပြီး မှန်ကန်ထိရောက်တာကို တွေ့ရမှာပါ။ ဖေ့ဘွတ်ထဲက မိန်းကလေးတော်တော်များများရဲ့ ဝေါလ် တွေမှာရေးထားတာကို တွေ့ဖူးကြပါလိမ့်မယ်။
လမ်းသွားတဲ့အခါ (တချို့သော) ဆိုက်ကားဆရာကယ်ရီဆရာ တွေနဲ့ လမ်းပြင်လုပ်သား ပန်းရံဆရာတွေရဲ့ ပါးစပ်သရမ်းခြင်းကို ခံလိုက်ရလို့ ကောင်မလေးတစ်ချို့က သူတို့ရဲ့ ဖေ့ဘွတ်ဝေါလ်ပေါ်မှာ ရင်ဖွင့်ထားတတ်ကြပါတယ်။ မှတ်မှတ်ထင်ထင်ရှိမိနေတဲ့ ဝေါလ်ပို့စ်စာသား တစ်ခုက"ပညာမဲ့ စိတ်ဓါတ်အောက်တန်းစားတွေ" တဲ့။
ဒီစာသားဟာတကယ်ပဲ မှန်နေရဲ့လား? ပညာမဲ့တိုင်း စိတ်ဓာတ်မကောင်းဘူးဆိုတာထက် ပင်ကိုယ်စိတ်ရင်း ကပိုပြီး အဓိကကျမယ် ထင်ပါတယ်။ နောက်တစ်ခုက ကျင်လည်တဲ့ပတ်ဝန်းကျင်ရဲ့ လွှမ်းမိုးမှုကလဲ တစ်စိတ်တစ်ပိုင်း သက်ဆိုင်နေမယ်လို့ ထင်ပါတယ်။
Recommended for you - အောင်မြင်ချင်ရင် နှစ်ဆလောက် ဆုံးရှုံးတာခံရမယ်
ကျင်လည်ရာ ပတ်ဝန်းကျင်က အတ္တကြီးတဲ့သူတွေ ကြီးစိုးတဲ့နေရာ ဖြစ်နေရင် သူကိုယ်တိုင်လဲ မသိလိုက် မသိဘာသာနဲ့ အတ္တကြီးတတ်တဲ့ စိတ်ဓါတ် အနည်းနဲ့အများဝင်သွားတတ်ပါတယ်။ ရိုင်းစိုင်းတဲ့ပတ်ဝန်းကျင် မှာကြီးပြင်းလာရင် ရိုင်းစိုင်းတာက သူတို့အတွက် မဆန်းတော့ပါဘူး။ ကိုယ်ကိုယ်တိုင်တောင် မသိလိုက်တဲ့ အချိန်မျိုးမှာ စိတ်ထဲကြီးစိုးသွားတာမျိုးပါ။ သူတို့လည်း ဒီလိုလုပ်တာပဲ ငါလည်း ဒီလိုလုပ်မယ်ဆိုတဲ့ မသိ စိတ်ရဲ့လိုက်နာမှုတွေပါ။ လူတစ်ယောက်ရဲ့ စိတ်နေစိတ်ထားကို သင်ထားခဲ့တဲ့ ပညာလွှမ်းမိုးထိန်းကျောင်းမှု က ၄၀ရာခိုင်နှုန်းလောက် ပတ်သက်နေတယ်ဆိုရင် သင်လက်ခံနိုင်ပါသလား။
ပညာတတ်ရာခိုင်နှုန်းအများစုက အပြောအဆိုပိုပြီး ယဉ်ကျေးမယ် ကိုယ်ချင်းစာတရားထားတတ်မယ်ဆိုတာ အိမ်မှာ ဆိုးသွမ်းတဲ့ ကလေးအများစု မူကြိုကျောင်းတက်ပြီးသွားတဲ့အခါ ပြောင်းလဲသွားတာကို ကြည့်ရင် တွေ့ရမှာပါ။ လူအများနဲ့ ပေါင်းသင်းတတ်လာမယ် သူတို့မှာရှိတဲ့စားစရာ၊ ဆော့စရာတွေကို သူငယ်ချင်း တွေနဲ့ဝေမျှတတ်လာပြီး ကောင်းတဲ့ အကျင့်တွေ တော်တော်များများ ရလာတာကို တွေ့ရမှာပါ။
လူတစ်ဦးရဲ့စိတ်နေစိတ်ထားဟာ ပညာတတ်ခြင်း မတတ်ခြင်းမှာလည်း နည်းနည်းတော့ သက်ဆိုင်နေတာ ပါပဲ။ ပညာတတ်တဲ့အခါ ဆင်ခြင်တုံတရားပိုရှိလာတယ် ပြောသင့်တဲ့စကား မပြောသင့်တဲ့စကား လုပ်သင့် တဲ့အလုပ် မလုပ်သင့်တဲ့အလုပ်တွေကို ဝေဖန်ပိုင်းခြားဖို့ပိုပြီး လွယ်ကူစေနိုင်ပါတယ်။
နိဂုံးချုပ်ပြောရရင် ပညာတတ်ခြင်း မတတ်ခြင်းက လူ့စိတ်နေသဘောထားမှာ သက်ရောက်မှုရှိပေမယ့် မိမိရဲ့ပင်ကိုယ်စိတ်သဘောထားက အရေးအကြီးဆုံးပါပဲ။ စာနာတတ်တဲ့စိတ် ကိုယ်ချင်းစာတဲ့စိတ် သနားတတ်တဲ့စိတ်ထားဆိုတာတွေ လူတိုင်းမှာသာရှိခဲ့ရင်လူ့ပတ်ဝန်းကျင်မှာ ဘယ်လိုဆိုးဝါးတဲ့ကိစ္စမျိုးမှာ ဖြစ်လာတော့မှာမဟုတ်ဘဲ လူ့ဘောင်လောကကြီးက ပိုပြီးသာယာသွားမှာဖြစ်ပါတယ်။
အင်္ဂလိပ်စာကို အခြေခံမှ ကျွမ်းကျင်စွာ တတ်မြောက်သည်အထိ သင်ယူချင်ပါသလား။ IELTS စာမေးပွဲဖြေဖို့ ပြင်ဆင်နေပါသလား။ ကျွန်တော်တို့ sayar.com.mm တွင် ရှိသော ဆရာ ဆရာမများနှင့် ဆက်သွယ်လိုက်ပါ။
သင်ကိုယ်တိုင်က ဆရာတစ်ယောက်ဆိုပါက sayar.com.mm နှင့် လက်တွဲဖို့ ဖိတ်ခေါ်လိုက်ပါရစေ။ အခုပဲ အခမဲ့ register လုပ်လိုက်ပါ။
Credit: yoyarlay
Recommended for you - သင်သိပြီးပြီလား ???
